100% Working Dua To Remove Evil Eye ,” Naqsh No 49 (NAZAR E BAD KA ROHANI ILAJ): Is mozoo main hum un afrad k liye Rahnumai faraham kar rhe hain jinko nazre bud ki waja se beshumar nuqsanat ka samna karna parta hai. Nazre bud aik hasid ka intehai khatarnak war hota hai jo fori tor par insan ki zindagi main bigar paida kar deta hai. Isi nazre bud ki waja se insan par achanak jo afaat ati hain unhen wo Azabe Ilaahi samajh leta hai halankay nazre bud lagane wale ko bhi baz auqat pata nahi hota k uski hasdana sochon aur buri nazron ki waja se doosre insan ki zindagi azab main aa chuki hai.
Buri Nazar Se Bachne Ki Dua
Aam tor par yehi samjha jata hai k bachon ko nazre bud lagti hai halankay nazar e bad k asrat insan ki sehat, karobar, azdawaji zindagi, taleem, aulad, safar, shadi, job aur ghar k sakoon ko buri tarha mutasir karte hain. Jis insan ko nazar e bud lagi ho usko Rohani Bemarian ghair leti hain jis waja se us par koi doctri ilaaj kaam nahi karta, wo mian bivi jin main intehai muhabbat hoti hai achanak wo nafrat main tabdeel hojati hai aur larai jhagron se bat barhte barhte talaq tak pohanch jati hai, karobar achanak band hojata hai, bachon ki taleem buri tarha mutasir hoti hai aur natija imtehan main nakami, rishte nahi atay ya tayshuda rishte bhi achanak khatam hojate hain, bairon mulk safar main bayshumar rokawaten paida hojati hain, taleem yafta hone k bawajood job nahi milti ya job achanak khatam hojati hai, ghar main larai jhagre is qadar barh jate hain k rishton main ehtram khatam hojata hai, intehai farmabardar aulad nafarmani shuru kar deti hai aur is qisam k hazaron masail aik hasid ki buri sochon ki waja se paida hote hain isiliye uski nazre bud ki waja se insan ki zindagi tabah hojati hai.